Annasoltan K

عجایب سنه لر- 1942- نجی یئلینگ 3- نجی نوامبری آناسولتانئنگ دوغلان گونی، 1983-نجی یئلینگ 30- نجی نوامبری بولسا اونونگ تراگیکی یاغدایداقی وفاتی.

شاهئرئمئز آنناسلطان ككيلوا 1974- نجى يئليئنگ آخرئندا، حالقارا يازئجئلار قـوراماسى بولان «پن PEN» كلوبئنگ هلند بؤلومىنينگ حـورماتلى آغضالئغئنا قابول اديلدى.

آنناسولتانئنگ قوشغوسینا دوزیلن آیدیم:

« من اؤلسم- ده، اؤلمز آصلا عاصئرلار،

من اؤلسم- ده اؤلمز آصلا نسيللر.

منى ياغشئلئقدا يادلاسا بيرى،

ديرى من، ديرى»

 

زنان شاهئرا آنناسلطان ككيلوانئنگ فاجئغالى ائقبالى

(30/11/1983- 30/11/1942)

    توركمن شاهئراسى آنناسلطان ككيلوا 1971- نجى يئلدا «س س ك پ»(شوروىنينگ كامونيستيك پارتياسىنئنگ) مركزى كاميته تينه و پارتيانئنگ 24- نجى قـورولتاينا 56 صاحئپالئق بير شكايات- ماغلومات يازئپ، توركمنيستانداقى كمچيليكلر و رسپوبليكانئنگ يولباشچئلارىنئنگ كأبير فسق- فجورلئقلارئنى، عيال- قيزلارئنگ كمسيديليشى و اولارئنگ حتى اؤز جانلارئنا قصد اديشينى فاش اديپدى. شول سبأپدن اول ايشيندن چئقارئليئپدى. كتاپلارىنئنگ چاپ اديلمگـى قاداغان اديليپ، قـوشغولارئنا دؤره ديلن آيدئملارئنگ راديودان قـويبريلمگـى ياتئرئلدى.    شول يئلئنگ 26- نجى آگوستئندا بولسا زورلوق بيلن آشغابادئنگ اته گيندأكى پسيحياتريك كلينيكا- دألىلر كسلحاناسئنا- يرلشديريليپدى.

   شوندان سونگرا، آنناسلطان ككيلوانئنگ اجه سى 72 ياشلى اوغـولصأحت سيدوا، شوروىنينگ كامونيستيك پارتياسىنئنگ مركزى كاميته تىنينگ حالقا بؤلومىنينگ ديركتورى(مديرى) نيكولايف آدلى بيرسينه، شـيله- ده دؤولت حاوپســـوزلئـــق كامــيته تى «ك گ ب»- نينگ شول واقتـقى باشلئغى يورى آندره پــوفــه شكايت حاط بيلن يوزله نيپ، اؤز قـيزىنئنگ عقل- هوشىنئنگ يرينده ديگينى و اونونگ هيچ وقت پسيحياتورلارا ايشىنينگ دوشمأنديگينى بيلديريپدى. شـيله هم ده بولسا، شول 1971- نجى يئلئنگ 26- نجى آگوستئندا، چاغئرئلمادئق يردن اؤيلرينه تيز كمك ماشينى گليپ، اونونگ قـيزئنى زور بيلن پسيحياتريك كسلحانا آلئپ گيديأرلر.

   اوغـولصأحت اجأنينگ شكايت ناماسئندا سونگرا شـيله دييليپدى:

 « پسيحياتريك كسلحاناداقى دكترلار قيزئمئنگ ساغدئغئنى آيتدئلار، يونه ولين كامونيستيك پارتيانئنگ مركزى كاميته تينه راپورت عارضاسئنى «نــروnerv دارتغئنلئغى ياغـدائندا يازانلئغى» حاقئندا اؤز الى بيلن بير ديل حاطى يازئپ برمگينى طالاپ اتديلر، يوغسا اونونگ ابدىليك دأليحانادا ساقلانجاقدئغئنى بيلديرديلر. شـيديپ قورقوزدئلار. اما قيزئم ايسلنديك ديل حاطئنى برمكدن بويون غـاچئردى».

   اوغـولصأحت اجه اؤز نالئشىنئنگ دونيأ جمعيتچيليگينه- ده بارئپ يتمه گـى اوچين، شول عارضالارئنىنئنگ كــُوپـيالارئنى داشـــارى يورتــلى كارره سپانــدنــتلره- ده (خبرچئلارا- دا) قاوشوروپدى. شـيله ليكــده بو حابار- حادئثا، داشارى يورتلارئنگ مطبوغاتـنئندا چاپ اديلدى. پروتستــلر بيلديريلدى، شاهئرئنگ بوشادئلماغى طالاپ اديلدى. اما شوروى حأكميتلرى شول طالاپلارا قولاق آسمادى.

   شول وقت يوقارى وظيفه لى بير توركمن [بردی کربابایف] گونباتارا گلن ماحالئندا اوندان آنناسلطان ككيلوانئنگ ائقبالى باراسئندا سورالاندا: « آى اول دألى، بيزينگ رسپوبليكامئزئنگ يولباشچئلارئنا و حتى بردى آقا (بردى كربابايوا) ديل يتيردى» ديـيمك بيلن چأكلندى.

شــيديپ شاهئرئمئز آنناسلطان ككيلوا 10 يئلدان قاوراق وقت دأليحانادا ساقلاندى و 1983- نجى يئلدا بولسا شول يرده آرادان چئقدى.

1983- نجى يئلئنگ مارت آيئندا س س س ر يازئجئلار بيرله شيگـىنينگ مجليسينده روس شاهئرى «لودميلا شيپاهينا» آنناسلطانئنگ اؤلنديگينى حابار بردى. اول توركمن غالامداشلارئنا يوزله نيپ ككيلوانئنگ ايشينى درنگه مأگه، اگر- ده قانونى بوزوشلئغا يول بريلن بولسا، اونونگ ياغشى آدئنى غايتادان ديكلتمكــليگه چاغئردى. اما توركمنستان يازئجئلار بيرله شيگـىنينگ اداراسى، يازئجئدئر شاهئرلارئمئز سسلرينى چئقارمان، دئمشئپ اوتوردولار. شول وقت «محمدنظر غـفـوروف» و «مايا مولـلايه وانى» سوراغا چكمك گركدى آخرئن.

  هرحـالدا آخرئندا «ادبيات و صونغــات» قازياتىنينگ 1989- نجى يئلئنگ 9- نجى اييون سانئندا، مأمت قـــوربان مأمت قـوربانــووئنگ «آنگزاقـدا آچئلان گول» سؤزباشلى  آنناسلطانا باغئشلانان ماقالانى اوقادئق. يؤنه ولين مأمت قــوربانوف- دا ككيلوانئنگ دؤره ديجيليگـى باراسئندا غئيسغاجئق ماغلومات برمك و اونونگ كأبير قوشغوسئنى گتيرمك بيلم چأكلنيأر.

   آنناسلطان ككيلوانئنگ حاقيقاتدان- دا روحى حاسسامئدى، دأليميدى، اول مركزى يولباشچئلئغا ماسكوا- توركمنيستانداقى فسق- فجورلئقلار حاقئندا نأمه لر يازئپدى و كيملرى عايپلادى؟ اينه بولار حاقئندا بولسا مأمت قوربانــوئنگ ماقالاسئندا يكجه ده سؤز يوق.   شاهئرئمئز آنناسلطان ككيلوانئنگ پاجئغاسى ائقبالئندان حابارلى كيشيلر، اونونگ دأليحانا ايبريلمگـى باراسئندا بويروق برنلر و حتى اونى پسيحياتريك ايبرمك حاقئنداقى حاطا قول چكن دكترلار هنيز ياشاپ يؤرلر آخرين.

 

   «ياش كامونيست» قازياتىنئنگ 1991- نجى يئلىنئنگ 20- نجى اييون سانئندا، خدر آمانگلدى «ديرى ياشاسئم گليأر» سؤزباشلى ماقالاسئندا، بىحايالئق بيلن آنناسلطان ككيلوانئنگ اؤزونى-اؤزونينگ اؤلدورنليگينى بللأپ گچيپ مسلمانچئلئقدا اينگ اربت گؤروليأن زات، اؤز جانئنا قاصت اتمكليكدير دييپ ساپاق برجك بوليار. بو مسلمانچئلقدا گچيلمه يأن اوچ گنأنينگ بيرى دييپ اؤوره ديأر.

  

شاهئرئمئز آنناسلطان ككيلوا 1974- نجى يئليئنگ آخرئندا، حالقارا يازئجئلار قـوراماسى بولان «پن PEN» كلوبئنگ هلند بؤلومىنينگ حـورماتلى آغضالئغئنا قابول اديلدى. اونونگ آدى حالقارا گنا گچيش «آمنستى اينترناسيونال» قـوراماسىنئنگ توسساغ عاياللار باراداقى 1975- نجى يئلقـى  ساناوئنا گيريزيلدى. مأليم بولشى يالى بو قـوراما توسساغلئقدا ساقلانيانلارئنگ و غئيناليانلارئنگ ائقبالى بيلن مشغوللانيار و اولارئنگ آزاد اديلمگـى اوغروندا گؤرشيأر.

   توركمن يازئجئلار بيرله شيگـىنينگ، شاهئرئمئز آنناسلطان ككيلوانئنگ حورماتلى آدئنى ديكلدمك اوچين نأمه لر ادنليگـى بيزه مأليم دأل.

   بيزينگ فكريميز بويونچا، اونونگ جسدىنينگ توركمنيستانا گتيريليپ، آشغاباتـداقى بير غــُونومچئلئقدا جايلانماغى و كيچىجيك بير ياديگأرليك ديكلديلمگـى، ايسلــگه مئناسئپ بولاردى. شاهئرئمئزئنگ اؤزى بير غـــوشغـوسئندا:

 

« من اؤلسم- ده، اؤلمز آصلا عاصئرلار،

من اؤلسم- ده اؤلمز آصلا نسيللر.

منى ياغشئلئقدا يادلاسا بيرى،

ديرى من، ديرى»

دييپ يازئپدى.  

----------------------------

آرنه گلی

تاریخچی

 

نوشتن دیدگاه


تصویر امنیتی
تصویر امنیتی جدید

کتابهای منتشر شده

آمار بازدید کنندگان

بازدید امروز : 304
بازدید دیروز : 515
بازدید هفته :1424
بازدید ماه :4267
بازدید کل :90847

شخصیت های مهم تورکمن

بیاد جانباختگان جنبش ملی تورکمن

  • توماج
    توماج
  • حاج محمد آخوندی
    حاج محمد آخوندی
  • جلیل ارازی
    جلیل ارازی
  • محمد اراز بهنام
    محمد اراز بهنام
  • حکیم شهنازی
    حکیم شهنازی
  • پرویز ایران پور
    پرویز ایران پور
  • سافارگل خالدزاده
    سافارگل خالدزاده
  • نورقلی پور
    نورقلی پور
  • سلیمان محمدی
    سلیمان محمدی
  • حمید یگن محمدی
    حمید یگن محمدی
  • عبدالله قزل
    عبدالله قزل
  • دورت لر
    دورت لر
  • رحمان بردی ندیمی
    رحمان بردی ندیمی
  • بهروز آخوندی
    بهروز آخوندی
  • انین گوگلانی
    انین گوگلانی
  • آرچا بصیری
    آرچا بصیری
  • قربان شفیقی
    قربان شفیقی
  • آتا خانجانی
    آتا خانجانی
  • حمید فرجاد
    حمید فرجاد
  • بهمن ایزدی
    بهمن ایزدی
  • توماجی پور
    توماجی پور
  • خدایبردی پنق
    خدایبردی پنق
  • صوفی زاده
    صوفی زاده
  • حاللی حاللی زاده (آلغیر)
    حاللی حاللی زاده (آلغیر)
  • عبدالرحمان دلاور اینچه برون
    عبدالرحمان دلاور اینچه برون