(آيدينگلاريميزينگ ميللى بوُرچلارى)

يئر شاريندا ياشايان ميللتلئرينگ هرسىنينگ اؤزونه ماخصوص يؤريته ليكلئرى، كاراكترى بار. بيزينگ ميللئتيميز-ده  بو يؤريته ليكلئرى الگئرمك اوغروندا تاريخ بويى گؤره شيپ گلدى و اونى موندان بويانا-دا غوراپ ساقلاماغا حاقليدير. البته بو يولدا كؤپ چئتيلى- چئركزلى يوللاردان آشمالى.

 اوْچه بؤلنن توركمن توپراغى و حالقيميزينگ، ياريسى ديئن يالى كئسئكي دؤولتلرينگ قول آستيندا، الى- قولى باغلى بولانى اوچين بو يؤريته ليكلئرى ساقلاماقدا غاتى قينچيليق چكيپ گليأرلر، شونگا گؤرأ آغرامينگ كؤپوسى توركمنيستانينگ گئرشينه دوشيأر.

   توركمنيستان جمهورييتينده دؤولت ديئن سياسى غوروليش و اونگا باغلى اورگانلار بار. ايندى ميللى ايسلگلريميزى يرينه يتيريپ، اؤسوش يولوندا بؤوت بولوپ دوران قينچيليقلارى چؤزمأگه آز-كأنده ممكينچيليك دؤره دى. بو قينچيليقلارى چؤزمك اوچين حالقا باغلى بولان آيدينگ فكيرلى اينتلله گنتلر گئرك. اولار حالق ماقصاتلارىنينگ يول آلماغيندا تأثيرلى رول اويناپ بيليأرلر. يؤنه غــينانساغام بو آغير گونلرده بيزينگ اينتلله گنتلرميز حالقينگ غايغى-غاملارى بيلن ياقيندان قيزيقلانمايارلار. قيزيقلانيان بولسالار، هيچ بولماندا، ممكينچيليك تاپان يئرلئرينده حالقيميزينگ ميللى كيمليگيني قوراماغا چالشارديلار. اؤز ميللي كيميليگيني قوراماق هر حالقينگ اينگ ايلكى حاقلارينداندير. كيمليك انسانينگ اؤز آديندان باشلايار. حتايلىلارينگ أهليسىنينگ آدلارى حتايچا، عاراپلارينگ آدلارى هم عاراپچا و باشغالار. ايران توركمنلري اؤز چاغالارينا توركمنچه آد داقيپ بيلمه يأرلر، سبأپ شوونيستيك سياسات اساسيندا اولار بو حاقدان ماخروم اديليپ گليأر،  دوغوم شهادت ناما دينگه عاراپ-پارس آدلارينگ داقيلماغينا روغصات بئريليأر. اما اركانا توركمنيستاندا بو حاقلار بولا- بولا كيمليگيميزى تاناديپ، اؤورديأن بير جمعيت يوق دييسنگ بولجاق.

توركمنيستاندا آدام آدلارينا بير باقيپ گؤروْنگ: رجب عالى، عبدالرحمان، عبدى جبار، عبدالقيوم، واحيد، عزت، كنيز، مامور، ويس، قالحوز، قالحوزدوردى، كوْرت، عاراپ قلى، اورسالى، اورس بردى، اورسقولى، اورس مراد، بوريس، گرمان و ش.م لر بولارينگ هيچ بيريسى توركمنچه دال. بار، ايندى عاراپ آدلارينى مسلمان بولانيميز اوچين داقيپديريس دييه يلى. بيز اؤز ميللى كيمليگيميزى تانيپ اونى غوراماساق، دوْنيأ ميللتلرىنينگ اؤنگونده هيچه ساييلاريس. اؤز ميللى كيمليگيميزى، بيزينگ اؤزوميز تاناماساق، باشغالار نأديپ بيزينگ ميلله تيميزه، مدنييتيمزه حورمات غويسينلار.

هر يئرده بولسا بولايسين، بيرسىنينگ آدى اييأم اونونگ ميلله تينگ كيمدگينى آنگلاتمالى. بيزده شئـيله  بير بول-بول توركمنچه آدلار بولا-بولا ميللى روخوميزينگ باسغالانيانى اوچين ياد و باشغا ميللتلرينگ آدلارينى اؤز چاغاميزا داقيپ، بير عمر اول بندأنى كؤسه يأريس. آدى ،اؤز كؤكونى آنگلاتمايان بير انسانينگ، پسيولوگيك باقميندان اؤز ميللى بارليغينى دويوپ بيلمه يأنديگـىنينگ شايادىدير. شونگا گورأ بيزينگ اينتلله گنتسياميزينگ اساسى وظيپه سى حالقيميزا ميللى غيمماتليقلاريميزى-آدلارميز بو غيمماتليقلارينگ بؤلونميز بيريدير- تاناديپ، اولارا بو غووانچلارى غايتاريپ بئرمئكده بيللئرينى غوشاپ اورتا چيقمالى.

 دؤولئتيميزينگ بوينونا بولسا أهلى ياد ، گلميشئك و كولونياليستيك دؤوارندان غالان شوم مدنى ايزلارى شول ساندان اوف، اوا، اويچ يالى ياويز ميراثى آرادان آيرمالى.

                                                                                     

 

نوشتن دیدگاه


تصویر امنیتی
تصویر امنیتی جدید

کتابهای منتشر شده

رویدادهای مهم در تاریخ تورکمن

شخصیت های مهم تورکمن

بیاد جانباختگان جنبش ملی تورکمن

  • توماج
    توماج
  • حاج محمد آخوندی
    حاج محمد آخوندی
  • جلیل ارازی
    جلیل ارازی
  • محمد اراز بهنام
    محمد اراز بهنام
  • حکیم شهنازی
    حکیم شهنازی
  • پرویز ایران پور
    پرویز ایران پور
  • سافارگل خالدزاده
    سافارگل خالدزاده
  • نورقلی پور
    نورقلی پور
  • سلیمان محمدی
    سلیمان محمدی
  • حمید یگن محمدی
    حمید یگن محمدی
  • عبدالله قزل
    عبدالله قزل
  • دورت لر
    دورت لر
  • رحمان بردی ندیمی
    رحمان بردی ندیمی
  • بهروز آخوندی
    بهروز آخوندی
  • انین گوگلانی
    انین گوگلانی
  • آرچا بصیری
    آرچا بصیری
  • قربان شفیقی
    قربان شفیقی
  • آتا خانجانی
    آتا خانجانی
  • حمید فرجاد
    حمید فرجاد
  • بهمن ایزدی
    بهمن ایزدی
  • توماجی پور
    توماجی پور
  • خدایبردی پنق
    خدایبردی پنق
  • صوفی زاده
    صوفی زاده
  • حاللی حاللی زاده (آلغیر)
    حاللی حاللی زاده (آلغیر)
  • عبدالرحمان دلاور اینچه برون
    عبدالرحمان دلاور اینچه برون

نظرات کاربران